Лекциялық сабақтардың мазмұны, тақырыптардың аттары

     Лекциялық сабақтардың мазмұны, тақырыптардың  аттары  

     Бөлім І  «Валюталық операциялар» пәнінің  курсына кіріспе

     Тақырып 1. «Валюталық операциялар» курсының пәні, әдісі, мазмұны және мақсаты

     Жекелеген елдер арасындағы экономикалық, саяси, мәдени және басқа байланыс формалары олардың арасындағы алынатын тауарлар және қызметтерге төлеммен байланысты ақшалай қатынастарды тудырады. Елдер арасындағы бұл ақшалай қатынастар валюталық қатынастардың мазмұнын құрайды. Валюталық қатынастар валюталық операциялар көмегімен жүзеге асырылады. Валюталық операциялар – бұл шетел валютасын сату, сатып алу немесе бір валютаны екіншіге айырбастау.

     Шетел валютасы валюталық операцияларды  жүргізу объектісі болып табылады және келесідей жағдайларда қолданылады:

• коммерциялық мәмілені жүргізу кезінде;
• валюталық нарықты құру кезінде;
• арбитраж жүргізу кезінде;
• тәуекелді реттеу кезінде.

     Валюта - мемлекеттердің заңды төлем қаражаты ретінде қабылдаған ақша бiрлiгі немесе банкноттар, қазынашылық билеттер және монеталар, оның iшiнде қымбат металдардан жасалған монеталар (айналыстан алынған немесе алынатын, бiрақ айналыста жүрген ақша белгiлерiне айырбасталуға жататынын қоса алғанда) түрiндегі қолма-қол және қолма-қол емес ақша нысанындағы құнның ресми стандарттары, сондай-ақ шоттардағы, оның ішiнде халықаралық ақша немесе есеп айырысу бiрлiктерiндегі қаражат

     Валюталық операциялар:

     валюталық құндылықтарға меншік құқығының  және өзге де құқықтардың көшуіне, сондай-ақ валюталық құндылықтарды төлем  қаражаты ретінде пайдалануға байланысты операциялар;

     валюталық құндылықтарды, ұлттық валютаны, номиналы ұлттық валютамен көрсетiлген бағалы қағаздарды және төлем құжаттарын, резиденттер шығарған номиналы жоқ  бағалы қағаздарды Қазақстан Республикасына әкелу, жіберу және аудару, сондай-ақ Қазақстан  Республикасынан әкету, жiберу және аудару.

     Валюталық қатынастар – бұл, сыртқы сауданы, экономикалық және ғылыми техникалық байланыс, шетелден кредиттер және займдаралу және ұсыну, валютаны сату және сатып алу бойынша  мәмілелерді жасау кезінде валютаның  қызмет етуімен байланысты қатынастар. Өзіндік дербестікке ие бола отырып, валюталық қатынастар валюталық курс арқылы, елдің төлем балансы арқылы, несиелендіру режимі және халықаралық есеп айырысулар арқылы халықаралық экономикалық қатынастардың сипатына және тиімділігіне белсенді және елеулі әсер етеді.

     Валюталық қатынастардың қатысушылары болып  мемлекеттер (үкімет, орталық және мемлекеттік  банктер түрінде), заңды тұлғалар (коммерциялық банктер, кәсіпорындар: импортерлар және экспортерлар, биржалар) және жеке тұлғалар (брокерлар, спекулянттар және туристтер және т.б.) табылады.

     «Валюталық  операциялар» пәні валюталық жүйелерге, валюталық бақылау және реттеу саясатына, халықаралық төлемдер және есеп айырысуларға, валюталық нарық және ондағы операцияларға  негізделген валюталық қатынастармен сипатталады. 
 

     Валюталық операциялар жөнінде  түсінік.

     Валюталық операциялар түсінігінің мазмұны  мен мәнін ашу мақсатында тақырыптың негізгі терминдеріне анықтама берген жөн.Валюталық операцияларға төмендегілер жатады:

     Меншік  құқығы мен басқа да құқықтарының валюталық құндылықтарға ауысу операциялары, сонымен қатар төлем құжаттары мен төлем құралы ретінде шетел валютасын қолдануға байланысты операциялар.

     Қазақстан Республикасының  валюталық құндылықтарды  енгізу және шығару операциялары.

     Халықаралық ақша аударымдарын жүзеге асыру.

     Бірақ бұл операциялармен ғана валюталық  операциялар тізімі шектелмейді. Валюталық  бақылау жөніндегі заңға сәйкес валюталық операциялар түсінігі валюталық құндылықтармен және ҚР-ның  валютасында орындалатын операцияларды қамтиды.

     Шетел валютасында орындалатын операциялар  заңға сәйкес жүзеге асырылады. Банктер  әртүрлі мемлекеттердің шаруашылық субьектілері арасында ақшалай есеп-айырысуды  қамтамасыз етумен, валюта айырбастаумен, халықаралық валюталық несие  берумен, шетел валютасындағы бағалы қағаздарды сату және сатып алу операцияларын жүзеге асыра алады.

     Валюталық операциялардың экономикалық негіздері.

     Валюталық операциялар түсінігінің мазмұны  мен мәнін толық ашу үшін негізгі  терминднрге анықтама беру қажет, соның  ішінде ең негізгісі – шетел валютасы .

     Шетел валютасы болып саналады: 

     банкноталар, қазыналық билеттер, сәйкес шет мемлекетте заңды түрдегі  төлем құралы болатын  және айналымдағы  тиындар, сонымен  қатар айналыммен шығарылатын, бірақ  айырбастауға жататын  ақша белгілері;

     шетел мемлекеттерімен  халықаралық ақшалай  немесе есеп- айырысу  бірліктеріндегі  счеттарда орналасқан қаржылар. 

     Ал  валюталық құндылықтарға:

     Шетел валютасы.

     2 )Шетел валютасындағы бағалы қағаздар- төлем құжаттары (акция мен                                             облигациялар), және басқа шетел валютасында көрсетілетін қарыз міндеттемелер

     3) Бағалы  металлдар – алтын, күміс платина мен платиналық топ металлдары барлық түрде және жағдайда, ювелир бұйымдары мен ломнан басқа;

     4) Табиғи бағалы металлдар- алмаз, рубин, изумрудтар, жемчуг және т. б.

     Қазақстан Республикасының валютасына кіреді: 

     айналымдағы, сонымен қатар айналымнан шығарылған, бірақ айырбастауға жататын ҚР Ұлттық банкінің билеттері мен тиындары түріндегі теңгелер;

     Қазақстан Республикасы банктеріндегі мен басқа да несиелік мекемелеіндегі счеттарға орналасқан теңгелей қаржылар.

     ҚР  валютасындағы бағалы қағаздар- теңгеде  көрсетілген төлем құжаттары  мен қарыз міндеттемелер. Ұлттық және Шетел валютасындағы операцияларды  жүргізетін субъектілерді анықтауүшін валюталық реттеу жүйесінің «резидент» пен «резидент емес» деген негізгі түсініктеріне анықтама беру қажет.

     «Резидент»  түсінігінің құрамына келесі категориялы  азаматтар мен    мекемелер  кіреді:

     ҚР  территориясында тұратын тұлғалар

     ( белгілі бір мерзімде ҚР территориясынан тыс тұратын тұлғалар да)

     ҚР  заңдарына сәйкес және қР территориясында  орналасқан заңды

     тұлғалар;

     Заңды тұлға ретінде саналмайтын, бірақ  ҚР-ның заңына сәйкес құрылған мекемелер  мен организациялар.

     ҚР  –ң территориясынан тыс орналасқан дипломатиялық және басқа да ресми предстовительстволар.

     ҚР  территориясынан тыс жерде орналасқан резиденттердің филиалдары

     «Резидент емес» тұлғаларға жатады:

     ҚР  тыс мемлекеттерінің заңына сәйкес және ҚР да тұрақты мекен жайы жоқ  заңды тұлғалар

     Заңды тұлға болып табылмайтын мекемелер мен организациялар.

     ҚР  территориясында шетел дипломатиялық  және басқа да ресми представительстволары

     ҚР-ның  территориясында орналасқан резидент еместердің филиялдары. 

     Валюталық операциялар түсінігінің мазмұны  мен мәнін ашу                                                                     мақсатында тақырыптың негізгі терминдеріне анықтама берген жөн. Валюталық операцияларға төмендегілер жатады:

     Меншік  құқығы мен басқа да құқықтарының валюталық құндылықтарға ауысу  операциялары, сонымен қатар төлем құжаттары мен төлем құралы ретінде шетел валютасын қолдануға байланысты операциялар.

     Қазақстан Республикасының валюталық құндылықтарды  енгізу және шығару операциялары.

     Халықаралық ақша аударымдарын жүзеге асыру. Бірақ  бұл операциялармен ғана валюталық операциялар тізімі шектелмейді.Валюталық бақылау жөніндегі заңға сәйкес валюталық операциялар түсінігі валюталық құндылықтармен және Қазақстан Республикасының валютасында орындалатын операцияларды қамтиды.

     Шетел валютасында орындалатын операциялар заңға сәйкес жүзеге асырылады. Банктер әртүрлі мемлекеттердің шаруашылық субъектілері арасында ақшалай есеп- айырысуды қамтамасыз етумен, валюта айырбастаумен, халықаралық валюталық несие берумен, шетел валютасындағы бағалы қағаздарды сату және сатып алу операцияларын жүзеге асыра алады.   

     Валюталық қатынасты реттеуде негізгі ролді  арнайы валюталық заң атқарады. Қазақстан  Республикасында валюталық реттеудің  негізгі органы республиканың заңымен  сәйкес валюталық реттеудің функцияларын атқаратын Ұлттық Банк болып табылады. Басқарма мен басқа мемлекеттік органдарзаңмен сәйкес болатын өзінің компетенциясы шегінде валюталық реттеуді жүзеге асырады. Валюталық реттеу бойынша негізгі нормативті акт «Валюталық реттеу туралы» заңы толықтырулар мен өзгертулер есебімен 24 желтоқсанда 1998 жылы шықты. Бұл Қазақстан территориясында валюталық операцияларды атқару тәртібі мен қағидаларын, валюталық операция субъектінің құқығы мен міндеттемелерін, валюталық заң бұзылуының жауапкершілігін анықтайды. Валюталық бақылаудың агенттері валюталық операцияларды жүргізу кезіндегі валюталық заңның сақталуын бақылаудың міндеті жатқызылған банктер мен банктік емес қаржылық өнеркәсіптер. Қазіргі кезде ҚР-да келесі негізгі валюталық шектеулер әрекет етеді:

     Резиденттер арасындағы операция бойынша төлемдер тек               Қазақстандық валютада жүргізіледі, тек Ұлттық банктің, сонымен қатар салық және кедендік заңмен бекіткен нормативті құқықтық актілерді санамағанда:

     Ерекше  банктік операцияларды атқаратын  өкілетті банктер мен ұйымдардан, сонымен қатар олардың айырбастау ( пункт) орындарынан тыс шетел валютасын сатуға, сатып алуға және айырбастауға тыйым салынады:

     Резиденттердің  тауар мен қызмет көрсету түрінде  төлем алатын шетел валютасы, сонымен  қатар несие түріндегі өкілетті банктерде шотқа есептелуінің міндетіне жататын, егер Қазақстан Республикасының Ұлттық банк лицензиясында басқалары да қарастырылмаса. 

     Қазақстан Республикасының президенті халықаралық  міндеттеменің атқарылу мақсатында және болжанбаған жағдай кезінде  шектеу бойынша шешім қабылдауға немесе кез келген валюталық Қазақстан опнрациялардың тоқтатылуы құқылы.

     Республикасының Ұлттық банк ҚР Президенттік «ҚР Ұлттық банк туралы» заңды күші бар жарғысымен сәйкес шетел валютасында валюталық  операцияларды атқаруға қажетті  шектер қоюға, соның ішінде мұндай операцияның көлемі мен сыйақы мөлшерлеменің деңгейіне шек қоюға құқылы. ҚР. Реттеу туралы заңға сәйкес ҚР Ұлттық банк резиденттердің экспортты операцияның төлем валютасына шек қоюға құқы бар. Қазіргі жағдайда экспортты табыс сатуға шекті уақытша алып тастады.

     Валюталық бақылау органдары  ( Ұлттық банк пен ҚР-ның үкіметі) және оның агенттері ( өкілетті банктер) валюталық бақылауды жүзеге асырады. Оның мақсаты – валюталық операцияларды орындағанда валюталық заңдарды сақтауға бақылау жасау болып табылады.

     Валюталықбақылаудың негізгі жолдары мынадай:

     Өткізілген  валюталық операциялардың заңға  сәйкестігін анықтау және қажетті  лицензиялар мен келісімдердің  бар екендігін анықтау.

     Мемлекет  алдындағы шетел валютасында  резиденттердің міндеттемелерін өтегенін, сонымен қатар ҚР ішкі валюталық нарығында шетел валютасын сату бойынша міндеттемелерін тексеру.

     Шетел валютасындағы төлемдердің негізділігін тексеру.

     Валюталық операциялар бойынша есеп ақпардың толықтығы мен объективтілігін  тексеру. 

     Валюталық бақылаудың негізгі органы – ҚР Ұлттық банкі болып табылады. Оның міндеттері:

     Шетел валютасы мен шетел валютасындағы  бағалы қағаздардың Қазақстанда  айналу тәртібі мен сферасын анықтайды.

     Валюталық операциялардың барлық түрін орындайды.

     Шетел валютасы мен бағалы қағаздармен  орындайтын операцияларға резиденттер  мен резидент емес тұлғаларға жалпы  ережелер анықтайды.

     Банктерге және басқа да несиелік мекемелерге  валюталық операцияларды орындаулицензияларын берудің жалпы ережелерін белгілейді.

     Есеп  беру, ақпар құжаттардың бір нысандылығын белгілейді.

     Басқа да қызметтерді орындайды. 

     Валюталық бақылаудың болмауы еліміздің валюталық  жағдайының құлдырауына әкеліп соғар  еді.

     Валюталықлегеталар беруде көптеген шығындарға ұшыратты, сонымен қатар валюталық бақылаудан бартерлік операциялар арқылы жолтару кең көлемде орын алады.

     Осы себептен қазірні валюталық бақылаудың көптеген кемшіліктерін табу мақсатында қосымша іс-шаралар қолдануқажет, яғни олар валюталық және кедендік заңдарды бұзған үшін жауапкершілікті күшейту қажет, сонымен қатар көптеген басқа да нормативті материялдар шығару қажет.

     Жоғарыда  айтылғандай, валюталық реттеу жүйесінің  негізі валюталық бақылау болып  табылады. Валюталық бақылаудың мақсаты резиденттер мен резидент емес тұлғалар арқылы валюталық операцияларды жүзеге асыру мен заң сақтауды қамтамасыз ету болғандықтан, оның негізгі бағыттары:

     жүргізілетін  валюталық операцияның заңға  сәйкестілігін анықтау және оны  жүзеге асыру үшін қажетті лицензия мен куәліктер:

     шетел валютасындағы төлемдерді және олардың  келісім шарт міндеттемелеріне сәйкес келетіндігін тексеру:

     валюталық операция бойынша есеп толықтығын тексеру. 

     Валюталық лицензиялар.

     Валюталық операцияларды жүргізу үшін әрбір банк Ұлттық банктен бұл операцияларды жүргізуге рұқсат құжат ретінде лицензиялар алып отырады. Лицензия алу өтінішін бір жылдан кем емес мерзім бойы жұмыс атқарған, яғни толық қаржылық жылды аяқтап, ресми жылдық ақпарды дайындаған Коммерциялық банктер бере алады. Шетел валютасындағы банктік операцияларды жүргізуге берілетін лицензия Ұлттық банкпен шексіз мерзімге беріледі және атты болып табылады, яғни үшінші тұлғаға берілмейді. Банк тек лицензияда көрсетілген валюталық операцияларды жүзеге асыруға құқық беретін міндеттеменің болуы ғана валюталық операцияларды жүргізуге құқығы бар және осыған сәйкес:

     заңды және жеке тұлғалардың төлеміне және шарттарына шетел валютасындағы  қаржыларды қабылдау және орналастыру:

     банктерге және кәсіпорынға шетел валютасында  несие және зайымдарды беру және сырттан тарту:

     заңды және жеке тұлғалардан қаржылық құжаттардың  шетел валютасында сату мен сатылуын өндіру:

     валютаның сату мен сатып алуын жүзеге асыру:

     шетел мемлекеттерінің бір – бірімен  корреспонденттік қатынастарды ұйымдастыру:

     клиенттің шетел валютасында кассалық қызмет көрсетуді жүзеге асыру:

     саудалық  және саудалық емес операциялардың төлемін  шетел валютасында жүзеге асыру:

     халықаралық банктік практикаға сәйкес басқа  да операцияларды жүргізу. 

     Лицензия  алу үшін ттөмендегідей құжаттар ұсынылады:

     Бекітілген  банк жарғысының көшірмесі.

     Шетел валютасында орындалатын операцияларды  орындауға банктің толық дайындығы  мен экономикалық тиімділігін негіздеу

     Шетел валютасымен орындалатын операциялармен айналысатын банк бөлімшелерінің сипаттамасы мен берілетін банктің ұйымдастырылу құрылымы.

     Банктің валюталық операцияларды жүргізуіне жауап беретін басшылары жөнінде  анықтамалар.

     Корреспондентті келісімге келісетіндігі жөнінде  өкіметті банктен алынатын хат көшірмесі.

     Банк  балансы мен соңғы күнгі теңгедегі операциялардың нормативтері сәйкес орындалғаны жөніндегі анықтама.

     Банк  ішіндегі бақылауды ұйымдастыру  жөніндегі анықтама.

     Соңғы күнгі пайда мен шығындар жөніндегі  ақпар.

     Қаржылық  жылдың соңына жазылған жылдық ақпар.

     Аудиторлық  қорытынды.

     Басты лицензия алатын банктерге – корреспонденттік келісімдер жөнінде анықтама. 

     Валюталық лицензиялар алу үшін Ұлттық банктерге  төмендегідей квалификациялық және техникалық талаптар қояды:

     Клиенттерге ағымдағы валюталық шоттарды ашу  және жүргізу теңгеде жүргізілетін шоттардан айырмашылығы шамалы. Олардың бір ерекшелігі өз клиенттерінің операцияларына валюталық бақылау жасайтын агентінің қызметін орындау міндеттемесі болып табылады.

     Саудалы емес операцияларды шетел валютасында  жүргізуге Ұлттық банк талаптар қояды:

     ҚР  территориясында заңды және нормативті актілердің реттелу тәртібін білу қажет.

     Инстукцияларды  білу.

     Нақты шетел валютасымен операцияларды  орындайтын жұмысшылардың болуы.

     Шетел валютасындағы корреспонденттік топтың болуы тиіс.

     Оргтехника  мен жаңа технологиямен жабдықталған болуы тиіс.

     Лицензия  алу үшін қажетті шарттардың бірі шетел банктерімен корреспонденттік қатынас орнату.

     Тауарлар  мен қызметтерді экспорттау мен  байланысты халықаралық есеп – айырысулар бойынша операцияларды жүргізу  үшін лицензия алу керек.

     Ішкі  валюталық нарықта шетел валютасын  сату және сатып алу операцияларын  жүргізуге лицензия алу қажет, оған мынадай талаптар қойылады: 

     а ) валюталық заңдарды білу керек.

     б ) валюталық нарықтардың конъюктурасын  білу керек.

     в ) пайда болған қауіптерді бағалай алуы керек және т. б.

     Ең  аса бір күрделі шетел валютасымен  орындалатын операциялардың бірі –  шетел валютасындағы несиелеу операциялары. Бұл жағдайда банктердің валюталық  қаржыларды орналастыру жұмысы ішкі немесе халықаралық нарықта жүзеге асырылады.

     Арнайы  лицензияны қажет ететін тағы бір  халықаралық банк операциясы халықаралық  капитал нарықтарындағы депозиттік және конверсиондық операциялар. 

     Ұлттық  банктің беретін  лицензиялар түрі төмендегідей:

     Реттік  – шетел валютасында қандай да бір операцияны жүргіуге құқық береді.

     Ішкі  лицензия – біздің банк мекемелеріне шектеу қоймай-ақ шетел валютасындағы операцияларды орындауға құқық береді.

     Кеңейтілген лицензия – банкке шектеулі шетел банктерімен корреспонденттік қатынас орнатуға мүмкіндік береді.

     Басты лицензия – банкке шетел банктерімен корреспонденттік қатынас орнатып, шетел валютасында барлық операцияларды атқаруға мүмкіндік береді. 
 

     Тақырып 2. Әлемдік және ұлттық валюталық жүйелер, олардың негізгі элементтері

     Халықаралық валюталық (ақшалай) қатынастардың мемлекеттік-құқықтық нысаны валюталық жүйені білдіреді. Яғни валюталық жүйе – бұл ұлттық заңдылықпен немесе мемлекетаралық келісімдермен бекітілген валюталық қатынастарды реттеу және ұйымдастыру формасы. Ұлттық, аймақтық және әлемдік валюталық жүйелер бөлінеді.

     Ұлттық  валюталық жүйе – бұл нақты  мемлекеттің басқа елдермен ақшалай  есеп айырысуларының белгілі реті жүзеге асырылатын әдістер, құралдар және ұлттық органдардың жиынтығы болып табылады.

     Ұлттық  және әлемдік валюталық жүйелер арасында аралық элемент болып аймақтық валюталық жүйелер табылады. Олар мемлекеттердің аймақтық интеграциялық топтамаларына қызмет көрсетеді. Қазіргі уақытта екі аймақтық валюталық жүйелер белгілі: Европалық валюта-экономикалық одақ және Африканың француз тілді елдерін қамтитын «француз франкі аймағы».

     Халықаралық валюталық жүйе – бұл жеке ұлттық экономикаларды бірыңғай әлемдік шаруашылыққа байланыстыратын механизм. Әлемдік  валюталық жүйенің құқықтық негізі халықаралық келісімдер, көпжақты және екі жақты келісімдер және акттер.

     Валюталық жүйенің негізгі құрылымдық элементтері  болып мыналар табылады: валюта және оның сипаттамалары (конвертирлену  шарттары, ұлттық валюта паритеті, валюталық  курс режимі, халықаралық өтімділік); халықаралық кредиттік қаражаттар айналысын және елдердің халықаралық есеп айырысуларын пайдалануды шектеу; валюталық нарықтар режимі, мемлекетаралық келісімдер және елдердің валюталық қатынастарын реттейтін халықаралық валюта-қаржылық ұйымдар.

     Валюта  – бұл сыртқы сауда мен капиталды шығару кезінде айналыс құралы болып табылатын және тауар құны шамасының масштабы ретінде пайдаланылатын ақша бірлігі. «Валюта» ұғымы үш мәнде қолданылады:

     1) Ұлттық валюта – бұл берілген  елде қолданылатын ақша бірлігі  (Қазақстан теңгесі, Ресей рублі  және т.б.) және оның қандайда бір типі (алтын, күміс, қағаз).

     2) Шетел валютасы – бұл шетел  мемлекеттерінің ақша бірліктері, сондай-ақ халықаралық есеп айырысуларда  пайдаланылатын, шетел ақша бірлігінде  айқындалған, кредиттік және төлем  құралдары. Шетел ақша бірліктерінде айқындалған кредиттік және төлем құралдарын девиздер деп те атайды.

     3) Халықаралық (аймақтық) ақша бірлігі  және төлем құралы, олар белгілі  интеграциялық топтамалар шегінде  пайдаланылады.

     Тіркелген валюталық курс валюталық паритетке  негізделген. Валюталық паритет әр түрлі елдердің ақша бірліктерінің ресми тағайындалған қатынасы. 

     Тақырып 3. Валюталық курс – валюталық  жүйенің негізгі  элементі

     Валюталық курс валюталық жүйенің маңызды  элементі болып табылады, өйткені  халықаралық экономикалық қатынастардың дамуы әр түрлі елдердің валюталарының құндық қатынасын өлшеуді талап етеді. Валюталық курс келесілер үшін қажет:

• капиталдар және кредиттердің қозғалысында, тауарлармен, қызметтермен саудада валюталарды өзара айырбастау кезінде. Экспортер сатудан алынған шетел валютасын ұлттық валютаға айырбастайды, өйткені бір елдің валютасы екінші елдің аумағында заңдық сатып алу және тұтыну құралы ретінде айналысқа түсе алмайды. Импортер шетелде сатып алынған тауарлар құнын төлеу үшін ұлттық валютаны шетелдік валютаға сатады. Борышқор сыртқы займдар бойынша қарызды және пайызды төлеу үшін ұлттық валютаға шетел валютасын сатып алады;
• ұлттық және әлемдік нарықтар бағасын салыстыру үшін, сондай-ақ ұлттық немесе шетел валюталарында айқындалған әр елдің құндық көрсеткіштерін салыстыруға;
• банктер және фирмалардың шетел валютасындағы шоттарын жүйелі түрде қайта бағалауға.

     Валюталық курс – шетел ақша бірліктерінде  немесе халықаралық валюталық бірліктерде  айқындалған, бір елдің ақша бірлігінің «бағасы».

     Валюталық курс режимі де валюталық жүйе элементі болып табылады. Тіркелген (фиксированные) және қалқымалы (плавающие) валюталық курстар бөлінеді. Тіркелген валюталық курс шектеулі қозғалыста болады.

     Валюталық курсқа әсер ететін факторларға мыналарды  жатқызуға болады:1. Инфляция қарқыны. 2. Төлем балансының жағдайы. 3. Әр түрлі елдердегі проценттік ставкалардың айырмашылығы. 4. Валюталық нарықтар қызметі және спекулятивті валюталық операциялар. 5. Халықаралық есеп айырысуларда белгілі валютаны пайдалану дәрежесі. 6. Халықаралық төлемдердің жеделдеуі немесе кідірісі. 7. Ұлттық және әлемдік нарықтарда валютаға сену дәрежесі. 8. Валюталық саясат. Сонымен, валюталық курсты қалыптастыру – бұл ұлттық және әлемдік экономика және саясаттың өзара байланысымен шартталған, күрделі көпфакторлы процесс. Сондықтан валюта курсын болжау кезінде курс қалыптастырушы факторлар ескеріледі.