«Астана медицина
университеті»АҚ
Құқық
негіздері мен сот медицина кафедрасы
РЕФЕРАТ
Тақырыбы: “Қазақстан патриоттары
партиясы ”
Орындаған: Бабиков Д.Р
Тексерген: Хамзаев Б
Факультет: Жалпы медицина
Топ: 104
AСТАНА 2013
ЖОСПАР
I.Кіріспе
II.Негізгі бөлім
2.1. Шығу тарихы
2.2. Партия төрайымы
2.3. Партияның жарғысы
2.4. Қазақстан республикасы президенттігіне
кандидат Ғани Есенгелдіұлы
Қасымовтың
саяси тұғырнамасы.
2.5. Атқарушы билігі
III.Қорытынды
IV.Қолданылған әдебиеттер
I.Кіріспе
«Қазақстан – қазақстандықтар
үшін
Қазақстан Патриоттары
Партиясының жолы – бұл Қазақстан
халқының жолы»
Қазақстан Патриоттарының Партиясын
Қазақстанның болашағына деген көзқарасына
қосылатындар – ұлтаралық келісім
мен әлеуметтік әділеттілік қоғамында
өмір сүргісі, ертеңгі күнге сеніммен
қарағысы келетіндердің бәрі қолдайды.
Қазақстан Патриоттарының Партиясы
бүгінде таңдап алынған бұлжымас
стратегиялық саяси бағыттың нәтижесінде
халықтың қалың бұқара топтары арасында
лайықты беделге ие болып, олардың
көңілінен шыға білді. Және бұл құбылыстың
құпиясы өте қарапайым болып шықты.
Қазақстан Патриоттарының Партиясы
біркүндік, жекелеген өңірдің, таптың
немесе нақты әлеуметтік топтың партиясы
емес. Соңғы 12 жылда Қазақстанның Патриоттар
Партиясы халықтың үміттері мен армандарын
бірде-бір рет алдаған жоқ. Барлық
осы қиын жылдары қазақстандықтардың
мүдделерін қорғау жөнінде ай сайын,
сағат сайын нақты күрделі
әрі тынымсыз саяси жұмыс жүргізді.
Қазақстан Патриоттарының Партиясы
елдің саяси картасында ақсақал
ретінде елдегі барлық саяси және
сайлау процестеріне тұрақты түрде
әрқашан белсенді қатысып келді.
Қазақстан Патриоттарының Партиясы
Қазақстан – қазақстандықтар
үшін, ал әрбір қазақстандықтың және
елдің игілігі – бұл Қазақстан
Патриоттары Партиясының басты
міндеті деген бірден-бір идеяның
жақтаушысы болды және болып қала
береді.
Қазақстан өзінің егемен мемлекет
ретінде өмір сүруінің 20 жылы ішінде
экономикалық тұрақтылыққа қол жеткізді,
халықаралық аренада өз ұстанымдарын
нығайта түсті, мұның бәрі елдегі
қазіргі қоғамдық келісімнің арқасында
мүмкін болды.
Бүгінгі таңда Қазақстанда
оң өзгерістерді нығайту, әлемдік деңгейде
елдің бәсекеге қабілетін одан әрі
дамыту мен арттыру үшін қажетті
жағдайлар мен алғышарттар жасалды.
II.Негізгі бөлім
2.1. Шығу тарихы.
Қазақстан Патриоттары Партиясының
Төрағасы - Қасымов
Ғани Есенкелдіұлы. Партия 2000 жылғы
4 тамызда тіркелген, 2003 жылғы 21 наурызда
қайта тіркеуден өтті. Партияда 172 000 адам
бар.
Партия мынадай мақсаттарды
көздейді: Қазақстан халықтарының
ұлттық өркендеуін қалыптастыру
және жүзеге асыру; құқықтық
демократиялық мемлекет, нарықтық
экономикасы бар азаматтық қоғам
құру; қоғамның әлеуметтік белсенді
бөлігін мемлекеттік және қоғамдық
істерді басқаруда қатысуға тарту;
елдің тұрақты дамуын қамтамасыз
ету; адамның жоғары сапалы
өмір сүруі үшін жағдайлар
жасау және азаматтардың денсаулығына
басым көңіл бөлу. 2007 жылы Мәжіліске
сайлауда партия 0.78% дауыс алып, Парламентке
өтпеді.
2.2. Партия төрайымы.
Ғани Есенкелдіұлы
Қасымов
1950 жылы 3 мамырда Гурьев
қаласында туған. Ұлты - Қазақ
Әкесі - Қасымов Есенкелді
Қасымұлы (1923-1992) , халыққа білім беру
саласының қызметкері , мұғалім. Анасы
- Қасымова Манара Ахметқызы, оқытушы.
КСРО СІМ Мәскеу мемлекеттік
халықаралық қатынастар институтын
(1974); КСРО СІМ Дипломатиялық академиясын
(1986) бітірген, халықаралық экономикалық
қатынастар маманы.
Қазақ, орыс, француз және
араб тілдерін біледі.
1974 жылдан - ҚазКСР СІМ
консулдық, хаттама бөлімдерінің
бірінші хатшысы. 1975 жылдан - баспасөз
және ақпарат бөлімінің меңгерушісі
. 1978 жылдан - хаттама бөлімінің меңгерушісі
, 1980 жылдан - ҚазКСР СІМ бас хатшысы.
1987 жылдан - КСРО ІІМ Дипломатия
академиясы жанындағы дипломатия
мамандарының біліктілігін жетілдіру
курстарының тыңдаушысы. 1988 жылдан
- ҚазКСР ІІМ бас хатшысы. 1990 жылдан
-ҚазКСР Президентінің кеңесшісі.
1992 жылдан - ҚазКСР Президентінің
кеңесшісі - ҚР Президенті және
Министрлер кабинеті Аппаратының
халықаралық бөлім меңгерушісі.
1994 жылдан - Француз Республикасындағы
ҚР сауда-экономикалық екілі. 1996 жылдан
- ҚР Мемлекеттік кеден комитетінің терағасы.
1999-2004 жылдары - ҚР Парламент Мәжілісінің
депутаты.
2007 жылдан бері - ҚР Парламент
Сенатының депутаты, Халықаралық
қатынастар, қорғаныс және қауіпсіздік
комитетінің мүшесі.
Қазақстан патриоттары партиясының
төрағасы (2000 жылдан). ҚР Ерікті өрттен
қорғау қоғамының төрағасы (2002жылдан).
ҚР Ұлттық кеңесінің мүшесі (2003 жылдан).
1-ші санаттағы Төтенше және Өкілетті
Елші (1994). «Достық» орденімен, ҚР медальдарымен
марапатталған. «Жыл парламентарийі»
номинациясындағы «Жыл адамы» (2000), «Ең
демократияшыл саясаткер» (2002), «Жыл
депутаты» (2003, 2007, 2008) атақтарына ие. ҚР
дипломатиялық қызметінің Еңбек
сіңірген қайраткері (2004). ҚР Кеден қызметінің
генерал-майоры (1997).
Хоббиі -жүйесіз кітап оқу, спорт.
Үйленген. Жұбайы - Райхан. Қыздары - Айнұр,
Джулия.Немересі – Далида
2.3. Партияның жарғысы.
Партияның
түпкi мақсаты:
- қалыптастыру және Қазақстан
халықтарының ортақ ұлттық қайта
өркендеуiн жүзеге асыру;
- өткiзудiң негiзiнде нарықтық
экономикамен құқықтық демократиялық
мемлекет, азаматтық қоғамды құрылыс
және азаматтықтарды құқық пен
бостандықтың қорғанысы;
- дарынның еркiн дамуы
үшiн шарттарды жасау және адамдарды
қуат;
- басқаруға қатысуға
қосу мемлекеттiк және қоғам
активтi бөлiк қоғамдық iстермен әлеуметтiк;
- елдi бiрқалыпты дамудың
қамтамасыз етуi;
- адам өмiрдi жоғары сапаның
жасауы және адамның денсаулығына
басты назарды бөлу;
- ұлтаралық татулықтың
күшейтуi ҚРда тұратын барлық
ұлттардың мәдениетiн қайта өркендеу.
Партияның
мiндетi
- баланс жасалған қалыптастыру
әлеуметтiк, экологиялық және
адам өмiр жоғары сапа үшiн
экономикалық саясат, шарт және
қоршаған орта;
- заң жобасы, басқа нормативтiк
актiлер әзiрлеуге араласу және
қоғамдық дамудың тұжырымдамалары;
- қоғамдық сараптама заң
шығарушы және басқа нормативтiк
актiлер, үкiмет програмдары және
жобалар;
- заң шығарушы органдар,
сот, атқарушы күш, жергiлiктi өзiн-өзi
басқаруда жұмыс үшiннiң кандидаттарын
ұсыну;
- азаматтықтарды құқық
пен бостандықтың қорғанысы;
- жетiстiкке рухани бағытталған
шараларға араласу және Қазақстан
халықтарының мәдени дамуы;
- тұрақтылықтың сақтау
бағытталған акцияларды жүргiзу
және азаматтық әлем, ұлтаралық
татулықтың күшейтуi;
- адам өмiр жоғары сапаға
күрес және қоршаған орта;
- қатынастардың дамуы
және iскер конструктивтiк өзара
iс-әрекеттi негiзде басқа саяси
партиялармен байланыстары.
Ұйымдастыру
құрылғысы
Партияның оргқұрылымы
аймақтық қағидат бойымен салады.
Мүшелiк дара. Партия жоғарғы орган
орталық комитет басқарушы орган
сайлатылатын съездтi болып көрiнедi,
жұмыс - Орталық тексерiс комиссиясы
- бақылайтын ОК бюро.
Партия (01.07.2000 жыл) 1 съезд
өткiздi.
Партияның қаржысы мүшелiк
жарналар, табыстардың қаржы-шаруашылық
қызметтерiнен есебiнен қалыптасады.
Мүшелердiң
саны:
1.08.2000 жылда – 10мың шақты.
2.4. Қазақстан республикасы
президенттігіне кандидат Ғани Есенгелдіұлы
Қасымовтың саяси тұғырнамасы.
Қазақстанның Патриоттар
партиясы менің кандидатурамды ең жоғарғы
мемлекеттік қызметке - Қазақстан
Республикасының Президенттігіне
ұсынып, маған үлкен сенім артты.
Осы жайтты мен біздің
мемлекетіміздегі қоғам өмірін
демократияландыру жолындағы өзімнің
қарапайым еңбегімнің мойындалғандығы
деп түсінемін және партия
мен Қазақстан Республикасы азаматтарының
алдындағы үлкен жауапкершілік
деп есептеймін.
Қазақстанның Патриоттар
партиясы бүгінде дұрыс таңдалған
стратегиялық саяси бағыттың
арқасында халықтың көп бөлігінің
алдында үлкен абырой мен сүйіспеншілікке
ие болғандығын мақтан тұтамын.
Бұл жайдың құпиясы
өте қарапайым болып шықты.
Соңғы 12 жылдың ішінде Қазақстанның
Патриоттар партиясы бірде-бір
рет халықтың үміті мен арманын
алдамады. Партия еліміздің саяси
картасындағы ұзақ жылғы қызметі
жолында осы бір қысылтаяң
жылдары халық мүддесін қорғау
мақсатында ай сайын, сағат
сайын қиын да, тынымсыз саяси
жұмысын жүргізіп келеді.
Осы күрес жолында
заң шығарушы және атқарушы
билік органдарының барлық мүмкіндіктері,
парламенттің депутаттық мінбесі,
ақпарат құралдары пайдаланылады.
Сіздердің көпшіліктеріңіз
сияқты мені де - не үшін осындай
қиын да болжауға келмейтін
сайлау алды марафонға қатысамын
деген ой үнемі мазалайды.
«Тақ үшін күрес
– бұл ел үшін бұрын жасалмаған
жақсылықтарды жасауға мүмкіндік
беретін іс» деген екен даналардың
біреуі. Осы қағидатты өздеріңізбен
бөлісе отырып, Сіздердің алдарыңызға
еліміздің қазіргі кезеңдегі
әлеуетті даму стратегиясының
тұжырымдамасын ұсынамын.
1. Саяси жүйені жаңарту.
Еліміздің қоғамдық өмірі
үшін аса маңызды осы бір жүйенің
билік тарапынан еленбеуі өкінішті
нәтижелерге әкеліп соқтырды. Мысалы:
әлсіз партиялар, шын мәнісіндегі
оппозицияның жоқтығы.
Қоғамдық процестер
әкімшіліктің қысымы мен қатаң
бақылауымен өткізіледі. Нәтижесінде
– ҚР Президенттік сайлауға 9
саяси партияның үшеуі ғана
қатысып отыр.
Олардың кейбіреуі
не байкот жариялауда немесе
саяси көзқарастарға байланысты
сайлауға қатыспауда. Бұл өте
қауіпті белгілер. Египет, Тунис,
Ливияда болған оқиғалар халықты
тығырыққа тіреуге немесе олардың
көңіл-күйіне бей-жай қарауға
болмайтындығынан сабақ беруде
– ол күйреу жолы екендігін
көрсетіп отыр. Барлық билік түрлері
- ол тоқтаусыз диалог екенін
естен шығармауымыз қажет.
Жүзеге асатын ұстанымдарым.
Ресми тіркелген барлық саяси
партиялар парламентке енетін болады.
Олардың кейбір бөлігі сайлау барысында,
кейбірі Қазақстан халқы Ассамблеясынан
шыққан депутаттар сияқты президенттік
квота арқылы өтпек. Сонымен қатар,
ел Президенті саяси партия өкілдерінен
тұратын тұрақты консультативтік
орган құрып, басқаратын болады. Партиялардың
Парламентке өтуіне 7 пайыздық тосқауыл
Заңмен төмендетілетін болады. 3 пайызды
тиімді деп есептеймін. Сайлау науқаны
кезінде партиялардың саяси блогтарының
құрылуына шектеу қою алынып тасталады.
Арнайы қызмет пен құқық қорғау органдарының
партия ұйымдарының жұмыстарына
араласуына шектеу қоятын заң қабылданатын
болады.
2. Заң шығарушы билік
тармақтарында да өзгерістер
енгізу қажет деп санаймын.
Үстіміздегі жылдың қаңтар-ақпанында
болған соңғы оқиғалар, әсіресе парламенттің
референдум бойынша шешімі, оған Конституциялық
кеңестің анықтамасы билік саласының
әлсіз және тәуелді екендігін
көрсетті.
Парламент халықтың
ерік қалауын қолдап, Конституциялық
Кеңестің даурықпа кедергісіне
ұшырады. Алдағы уақытта осындай
жағдайға тап болмас үшін келесі
шешімдерді қабылдаймын.
а) Президент пен
Парламент арасындағы келіспеушілікті
жою үшін мемлекетте вице-президент
лауазымы ендірілетін болады, ол
автоматты түрде Сенат Төрағасы
бола алады.
б) Парламент үкіметті
тағайындайды және шеттетеді,
үкіметтің бюджеті мен есептерін
бекітетін болады.
в) парламенттік тексеру
тетігі арқылы парламент бюджет
қаражатының жұмсалуына бақылау
жасайды.
г) парламент барлық
мемлекеттік бағдарламаларды, сонымен
қатар мемлекеттің қатысуымен
жасалатын 100 млн. доллардан жоғары
тұратын жобалар мен келісім-
шарттарды бекітетін болады.
д) парламент құқық
қорғау органдарының және күштік
құрылымдардың барлық жетекші
лауазымдарын, сонымен қатар Қазақстан
Республикасының елшілері, Жоғарғы
сот мүшелерін, аудандық соттардың
төрағаларын бекітетін болады.
Бұл шаралардың барлығы
мемлекеттегі «президенттік-парламенттік»
басқару жүйесінде ағымды тасымалдауды
жария етуді толыққанды жүзеге
асырады. Субьектісі Президент,
депутат немесе депутаттар тобы,
Үкімет, саяси партиялар (жеке
немесе басқа да саяси күштермен
біріктірілген) болып табылатын
заң бастамасы туралы арнайы
заңнама қабылданатын болады.
Қазақстан Республикасы
азаматтарының бостандықтары мен
құқықтарын қамтамасыз ететін, Конституция
нормаларының дәлдігі мен талқылануын,
билік тармақтары арасындағы
келіспеушіліктерді шешу мәселелері
негізгі міндеті болып табылатын
тәуелсіз Конституциялық Сот
құрылатын болады.
2.5. Атқарушы билігі
Атқарушы билік жүйесінің
жетілдірілмегендігі басқару шешімдерінің
тиімсіздігін көрсетіп отыр. Соңғы
жылдары барлық экономикалық реформалар
мен үкіметтің бағдарламаларының
орындалуында дұрыс шешімдердің
қабылданбауы нәтижеге жетудің күрт
төмендеуіне әкеліп соғуда. Әкімшілік
реформалардың аяғына дейін орындалмауындағы
тепе-теңсіздікті жоямын.
Бүгінгі күні үкімет
жемқорлық ортасы болып табылатын
инфрақұрылымдық атқарушы органдардың
бүтіндей жүйесінің жасалуына
жағдай жасап отыр. Өткен тәжірибеде
- бұл үкімет, министрлік, облыстық
әкімдіктер, облыстық салалық басқармалар,
аудандық әкімдіктер, аудандық салалық
басқармалар болса, бүгінде-бұл
үкімет, министрліктер, ұлттық холдингтер,
облыстық әкімдіктер, облыстық салалық
басқармалар, әлеуметтік- кәсіпкерлік
корпорациялар, аудандық және
аудандық салалық әкімдіктер. Осындай
құрылымда экономикалық процесті
қалай дұрыс реттеуге болады
деген сұрақ туындайды. Неге
осындай қосарлас құрылымдар
мемлекет бюджетіне ортақтасады?
Неге салық төлеушілер сансыз жартылаймемшенеуніктерді
асырау керек?
Бұдан шығатын қорытынды
- осындай қиын жүйеде экономика
әрқашан әлсіздікке және жемқорлыққа
душар болады.
Мен мынандай шараларды
қолданамын: ұлттық компаниялар
мен холдингтердің, мемлекеттік
қорлардың, даму институттарының
қызметтеріне толық тексеру жүргіземін,
барлық тексеру жүргізілген компаниялар
мен холдингтер мемлекеттік қордан
алған қаржыларын бюджетке қайтарады
және өздері бәсекелестікке түсетін
болады. Ал қалғандары күйреуге
ұшырайды.
Еліміздің әкімшілік-аумақтық
құрылымын қайта жандандырамын.
Барлық облыстық құрылымдар шеттетілетін
болады.
Әкімшілік жүйе мынадай
өлшемде болады - Үкімет-министрлік
- аудандық әкімдіктер және оның
қажетті құрылымдары. Облыс орталықтары
ерекше мәртебедегі Алматы қаласындай
дербес қалалар болып қалыптасады.
Осы жағдайда аудан әкімдері
сол аумақта тұратын халық
қалауымен сайланады және Президент
Жарлығымен бекітіледі.
Жергілікті аудандық
бюджетті, ауыл тұрғындары мен
ауылдарды тікелей орталық қаржыландыратын
болады. Бұл шаралармен біз ауылдардың
ажарын бірден келтіреміз.
Қазақ ғалымдарының
отандық және қолданбалы зерттеулерін
тиімді дамыту мақсатында әрі
дүние жүзі деңгейінде қолдау
көрсету мақсатында Қазақстан
Республикасы Мемлекеттік ғылым
академиясын құрамын.
Менің негізгі ойым
мен қамқорлығым - Қазақстан және
қазақстандықтар үшін: өз ресустарымызды
отандық өнеркәсіптерде және
ауыл шаруашылық өнімдерінде
тиімді пайдалану үшін ішкі
қажеттіліктер мен экспорттық
тауарлардың өсуін қамтамасыз
етуге, еңбек және зияткерлік
әлеуетін дамытуға бағытталған.
Қазақстанның ашық
экономикаға деген бейілдігін
дәлелдеймін. Ұлттық экономика
мүддесіндегі сыртқы инвестицияларды
ұлғайтамын, отандық тауарлардың
тез алға шығуы үшін салықтың
барлық түрін түсіруді қамтамасыз
етемін, «көлеңкелі» капиталдың
жария етілуіне нақты шаралар
қолданамын.
Шетелдік жұмыс берушілерге
қатаң талаптар қоя отырып, еліміздің
индустриалды бағдарламасы жалғасын
табатын болады. Қазақстанда шетелдік
күштерді пайдаланғаны үшін арнайы
салық төлеу енгізілетін болады.
Сыртқы саясат саласында
бұрынғы қабылданған халықаралық
міндеттерді орындау бекітілетін
болады. Қазақстанмен тікелей шекаралас
елдер Қытай, Ресей Федерациясы,
Қырғызстан, Өзбекстан және Түркіменстан
мемлекеттері арасында халықаралық
қатынастардың күшеюінің жаңа
алғышарттары болып табылады. Астанада
осы сала бойынша мамандар
даярлайтын мемлекеттік Орталық
Азия университетін ашамын.
Мемлекеттегі гендерлік
саясат басты мәселе болып
қала береді. Отбасын қорғау, ана
мен бала, еңбек орындарындағы
әйел құқықтарын қамтамасыз ету,
балаларға әлеуметтік жәрдемақылар
беру, әйелдердің 55 жаста зейнетке
шығу құқын қайтару мәселелерін
заң жүзінде атқарушы орталық
және жергілікті билік орындарында
қалпына келтіру шаралары жүзеге
асатын болады.
Экономикалық реформаның
ақшалай-қаржы, несие, бюджет, өндірістік
және ауыл шаруашылық саясаттарына
жаңа өзгерістер енгіземін. Негізгі
басымдықтар қарапайым халықтың
мүддесіне арналады. Құпия жағдайда
масқаралықпен жүргізілетін девальвациялаулар
арнайы заңдармен тыйым салынады.
Осымен біз халықты ашықтан-ашық
тонаушыларға тосқауыл қоямыз.
Қазақстан мүдделеріне
шығын келтірген жағдайда шетелдік
компаниялармен жасалған келісімшарттарды
дер кезінде қайта қарап, оларда
көзделген шарттарды көпшілікке
жариялау басымдық деп санаймын.
Ұлттық қордағы қаржыларды
пайдалануды бақылау, Парламенттің
құзырына жатқызу керек, мұнайдан
түскен пайданың жартысы білім,
медицина, ғылымды түбегейлі қаржыландыру,
инновациялау, зейнетақы мен мемлекеттік
қызметшілердің жалақысын кем
дегенде 2 есеге өсіруге бағытталу
қажет. Табиғи ресурстар-халық
байлығы, олар қоғамға жұмсалуы
қажет.
Қазақстандық компаниялардың
қаржысы, Қазақстанның экономикасына
жұмыс істеуі тиіс. Қазақстандық
компаниялармен дүние жүзіндегі
арнайы оффшорлық аймақтарда
банктік есеп-шоттар ашу, келісімдер
мен банктік операциялар жасауға
рұқсат берілмейтін болады. Арнайы
оффшорлық аймақтарда келісімдер мен
банктік операциялар жасаудың соңғы өтпелі
уақыты 2012 жылдың 1 қаңтарына дейін аяқталатын
болады.
Жүздеген миллион долларлардың
еліміздің экономикасына жұмыс
істеуі үшін, жағдайы тәуір барлық
қазақстандық кәсіпкерлердің қордаланған
капиталдарын Қазақстанға қайтаруды
ұсынамын. Бұл бүгінде елге оралуға
жолы кесілген жандарға да
қатысты. Олардың жүздеген миллион
долларлары ел экономикасына
жұмыс істеуі қажет.
Қазақстанда кіші және
орта бизнестің нәтижелі дамуына
барлық жағдайды жасаймын. Салық
салу жүйесін және салықтық
есепті беруді қысқарту - алғашқы
қадам болмақ.
Жүргізіліп жатқан
әлеуметтік саясат, түбегейлі өзгеретін
болады. Жағдайы төмендер, мүгедектер,
зейнеткерлер мен ардагерлер
лайықты өмір сүру жағдайлары
мен қаржылық төлемдермен қамтамасыз
етіледі. Мемлекет өзінің барлық
азаматтарына мейлінше қамқорлық
пен қолайлы жағдай жасау қажет.
Сонымен, ай сайынғы
мүгедектерге төленетін төлемдер,
арнайы мемлекеттік жәрдемақылар
мен зейнетақылар қайта қаралатын
болады. Барлық төлемдер азық-түлік
себетінің, қызмет көрсету мен
тағам санатына жатпайтын тауарлардың,
сонымен қатар мүгедектердің
ерекше қажеттілігіне қатысты
медициналық қызметтер, дәрі-дәрмектермен
әр түрлі препараттардың ең
төменгі деңгейімен пропарционал
болады.
«Ардагерлер туралы»
Заң қабылданатын болады, соғысқа
қатысқандарды коммуналдық төлемдерден
босату, қоғамдық көліктерде тегін
жүру және стационарларда тегін
медициналық жәрдем көрсету мәселелері
қарастырылады.
Зейнеткерлерге, мүгедектерге,
әскери қызметкерлерге және құқық
қорғау органдарының қызметкерлерін
коммуналдық қызмет көрсетудің
әлеуметтік пакеттпен қамтамасыз
етуін 50 пайыздан төмендетудің
шараларын қолданамын.
Күнкөрісі төмен азаматтарды
қолжетімді және тегін амбулаторлық
пен стационарлық емдеумен, сондай-ақ
барлық өңірлерде, еліміздің қалалары
мен ауылдарында дәрі-дәрмекті
ақылға қонымды бағамен сатуды
қамтамасыз етемін.
Жас отбасылары үшін
қымбат емес және сапалы тұрғын
үймен қамтамасыз ету Бағдарламасын,
сондай-ақ ұзақ мерзімді 10 жылға
арналған белгілі ішкі және сыртқы
қаражат көзі анықталған мемлекеттік
бағдарламасын қабылдаймын. Ұзақ мерзімді
жеңілдетілген тұрғын үй салу мәселесін
қалпына келтіремін (жылдық 3-4 пайыздық
деңгейінде).
Мемлекеттік құрылыс
компаниялары құрылып, әлеуметтік
тегін тұрғын үй жаппай салынатын
болады. Барлық жеке тұрғын құрылыс
салуға тілек білдірушілерге
жер учаскілерін беру тәжірибесін
енгізіп, оларды қымбат емес
құрылыс материалдарымен қамтамасыз
етеміз.
Тұрғын-құрылыс кооперативтерін
қалпына келтіреміз. Азаматтар өздері
құрылыс фирмаларын құрып, құрылыс
жүйесін бақылайтын болады.
Ипотекалық қарызды
төлеуге пайдаланатын «Аналық
капитал» жүйесін енгізуді қарастыру
қажет. Бұл бала туудың өсуін
ынталандырады.
Барынша тегін, жоғары
сапалы, бәсекеге қабілетті орта
және жоғары білім берудің
жағдайын қамтамасыз етемін.
Көптеген мемлекеттік
мәселелердің шешілуі – еліміздің
өңірлерін игерудің жаңа тұжырымдамасын
әзірлеу мен енгізу болып табылады.
Елеулі жер ресурстары республикамыздың
негізгі стратегиялық байлығымыздың
бірі. Бұл мәселедегі сауатты
мемлекеттік саясат халқы тығыз
орналасқан оңтүстіктің, батыс,
солтүстік және шығыстағы халықтың
жеткіліксіздік проблемасын шешеді.
Бұл жұмыс, ең бастысы,
шекаралық аумақтардан басталып,
одан әрі ел ішіне енуі тиіс.
Аталған мәселе ұлт тәуелсіздігі
мәселесін тиімді шешуді қамтамасыз
етеді.
Шекаралық аумақтарды
игеру мақсатында еліміздің азаматтарына
шекара маңында жеңілдік несие
беру және әлеуметтік шарттары
негізінде қайтарымсыз жер телімдерін
беруді ұсынамын. Осы орайда қауіпсіздікті
күшейту және шекаралық жерлерді
қажетті қаржы және материалдық
ресурстар берудің тиісті Мемлекеттік
бағдарламасы әзірленеді.
Ауылдық жерлердегі
жеке дербес және ұжымдық жұмыстарды
тауар-ауылшаруашылық өндірісті
нақты мемлекеттік қолдауды қаржыландыру
және субъсидиялау, сыртқы және
ішкі нарықта тиімді қорғау
арқылы іске асырамыз. Ауылдық
жерлерді шағын несиелендіру
көлемі айтарлықтай ұлғайтылуы
қажет.
Өндіріс құралдары
(жер, техника, құрал-жабдықтар,
мал, тұқым, т.б.) бірлескен жекеменшікте
болған ұжымдық форматты қалпына
келтіруді тиімді деп санаймын.
Сонымен бірге барлық
жерлерде мемлекеттік агроөнеркәсіптік
кәсіпорындар және кешендер құрылатын
болады. Ауыл тұрғындарын несиелендіруді
жеңілдету үшін мемлекеттік «ҚазАгроБанк»
ашылады.
Осылайша біз ауыл
шаруашылығын нығайтып, сонымен
бірге еліміздің экономикалық, азық-түлік
қауіпсіздігін сыртқы жағымсыз
әсерлерден қамтамасыз ете аламыз.
Мәдениет, білім беру,
ғылым, адамдардың рухани өмірі
мемлекеттің ерекше назарында
болуы керек. Мен халқымыздың
тарихи мұрасы мен мәдениетінің
қайта жандануы, өздеріне, еліміздің
қарыштап дамуына деген сенімі,
елшіл сезімдері артуы үшін
бәрін жасаймын. Мемлекетімізде
қоғамдағы ынтымақтастық пен
достық, Қазақстанда тұратын барлық
ұлттар мен ұлыстарды қолдау,
олардың ұлттық дәстүрлері мен
мәдениетін көтеру іс жүзінде
қамтамасыз етілетін болады.
Тіл мәселесі менің
басты назарымда болатын басымдық.
Бұл мәселе бойынша мемлекет
тарапынан түбегейлі жаңа көзқарас
болу керек деп есептеймін. Еліміздің
әрбір тұрғыны үшін қазақ тілін
білу қажеттілік болатындығына
барлық жағдай жасалады. Еліміздің
барлық азаматтары үшін мемлекеттік
тілді білгендері үшін төлемнің
үш деңгейлік жүйесін енгіземін.
Бірінші деңгей - тұрмыстық, ауызекі
тілді білгендері үшін айлық
жалақыға 10 пайыз, екінші деңгей
- сөйлеп, жазып, оқып, іс жүргізіп
және іскери хат алмаса алатындарға-20
пайыз, үшінші деңгей – тілді
терең кәсіби түрде білетіндерге,
сабақ бере алатындарға, лекциялар
оқитындарға, ғылыми мақалаларды
аударатындарға - 30 пайыз. Білім деңгейін
мемлекеттік сертификаттар беретін
құқығы бар арнаулы комиссия
анықтайды.
Бұл қазақ тілін
үнемі жетілдіруге жағдай жасайды,
қоғамдығы қарама-қайшылықтарды
жояды. Бұл мөлшерлер заңнамалық
деңгейде бекіп, 2025 жылға дейін
жұмыс істеуі керек.
Өз Жарлығыммен Қазақ
тілінің мемлекеттік академиясын
құрамын, сонымен бірге «Ана
тілі» атты мемлекеттік мереке
белгіленеді.
Барлық конфессияларға,
діндерге жаппай құрметпен қарауды
қамтамасыз етуді өзімнің міндетім
мен парызым деп есептеймін. Діни
сенімдерге, руханилыққа ерекше қарым-қатынас
және қолдау үшін барлық туындаған мәселелерді
шешетін дербес мемлекеттік ұйым құрылады.
Еліміздің әрі қарай
дамуының басты жағдайы ұлтаралық
келісім болып табылады. Республикада
қазақ тілінің және мәдениетінің
басымдықпен дамуымен қоса, барлық
этностар мен мәдениеттердің
тең мүмкіндіктерінің құрылу
бағыты жалғастырылады.
Экономикамен өмір
сүрудің қылмыссыздандырылуын қамтамасыз
етемін. Елімізде тәртіп орнатамын.
Жемқорлық пен қылмыстың барлық
түрін жою үшін барлық әрекет
жасалады.
Бұл үшін арнаулы
қызмет пен құқық қорғау органдарының
қызметі жетілдіретін болады.
Елде кәсіби армия
құрылатын болады. Халықтың Отанды
қорғаушылар мен құқық қорғау
органдарына деген сезімдері
оянатын болады. Мемлекет олардың
өмір сүруін қамтамасыз етеді.
Еліміздегі жан ауыртатын
мәселенің бірі экология мәселесі.
Еліміздің экологиялық қауіпсіздігін
қамтамасыз етуде шаралар әзірленіп,
іске асырылатын болады.
Арал теңізі, Семей
полигоны, Байқоңыр ғарыш айлағындағы
орын алған мәселелерді шешу
үшін әлемдік қоғамдастық тартылатын
болады. Еліміздің барлық аумақтарында,
сондай-ақ Каспий теңізі бедерлерінде
жұмыс жасап жатқан шетелдік
инвесторлардың жұмыстарын реттейтін
экологиялық стандарттар қаралатын
болады.
Біздің табиғи ресурстарымыз
еліміздің басты құндылығы болуы
тиіс. Қазіргі жағдайда мұнайға
деген жоғары баға барлық жағдайды
қамтамасыз етуі қажет, экспортқа
шығарылатын көмірсутегі мен
шикізат өнімдері Қазақстанның
және оның халқының әлеуметтік
жағдайын жақсартуға қызмет жасауы
тиіс.
III.Қорытынды
Қазіргі уақытта елімізді
көркейтуде, әлеуметтік жағдайын нығайтуда
көптеген міндеттер күтіп тұр. Әлемдік
қаржы дағдарысы мемлекеттіміздің
әлеуметтік қорғау және экономика, ішкі
және сыртқы саясатына өз әсерін тигізбей
қойған жоқ. Осындай қиын жағдайда Қазақстанға
тиімді, батыл істі, нақты жұмыстарымен
тек алға қадам басушы жаңа билік
керек. Тек осы жағдайда ғана біздің
әрқайсымыз біз өмір сүріп жатқан
елде қандай да бір жақсы, жағымды
өзгерістерді сезінетін боламыз
