«Болашақ» демократиялық партиясының бағдарламасы

«БОЛАШАҚ»    ДЕМОКРАТИЯЛЫҚ

ПАРТИЯСЫНЫҢ  БАҒДАРЛАМАСЫ

«Сеніммен жарқын болашаққа!»

   Еліміздің Тұңғыш Президентінің стратегиялық бағытын табысты іске асыру,жүргізілген  экономикалық  және  саяси  реформалар  мемлекетіміз  бен қоғамымызды  дамудың  жаңа  сапалы  сатысына  көтерді.  Қазіргі  заманға  сай демократиялық  даму  үстіндегі  әлеуметтік  мемлекет  құру  енді  алшақ  келешек емес,  жуықтағы  мақсатқа  айналмақ.  Оған  қоғамды  жұмылдыра  отырып  және экономикалық,  саяси,  әлеуметтік  салаларды  басқарудың  демократиялық құралдарымен,  халықтың,  әрбір  қазақстандықтың  ауқымды  әлеуметтік бастамаларын  іске  асыру  тетіктерімен  қамтамасыз  ете  отырып  қол  жеткізуге болады.

 «Болашақ» Демократиялық  партиясы  осы  мақсатқа кім және қалай қол жеткізуге болатынын біледі. Қазақстаннын болашағын гүлденген демократиялық мемлекетке айналдыратын жасы мен кәсібі,  ұлты  мен  діні  әртүрлі  сіздермен  біз,  құрметті  қазақстандықтар.  Бар күш-жігерімізді жұмылдыра отырып, еңбегімізге деген қоғамдағы өз орнымызға және билігімізге деген жаңа көзқарастарды тәрбиелей отырып, біз еліміз бен өз өмірімізді қайта өзгертеміз. Осыған жету үшін біздің қолымызда қажеттінің бәрі бар, яғни халыққа есепті үкімет пен өкілді биліктің қуатты органдары бар. Біздің барлық мақсаттарымыз сараланып,  саналы  түрде  жасалған.  Біз  қайда  бет  алғанымызды  білеміз  және Отанымыздың Болашағы жарқын екеніне сенеміз.

Еліміз  бен  партиямыздың  өмірінде  партияның  азаматтық  белсенділіктідамытуға  қабілетті,  қоғамды  жұмылдыра  алатын  және  мемлекеттік  басқаруға қатысу үрдісіне басшылық жасай алатын жаңа кезеңі келді.

«Болашақ »    Демократиялық  партиясы  нақ  осындай  жолды  –алдағы  өзгерістердің  тарихи  маңыздылығын,  Елбасы  саясатына  белсенді  де, әрекетшіл қолдау көрсету қажеттігін түсіне отырып жасалған жолды таңдайды.

Бiздiң мақсатымыз – Қазақстанның тәуелсiз, өркендеген, демократиялық және еркiн болуы, елiмiздiң әрбiр азаматының лайықты өмiр сүруi.

Бiздiң iргелi құндылықтарымыз – Тәуелсiздiк, Демократия, Бостандық, Әдiлдiк.

 Тәуелсiздiк  - бiздiң халқымыздың өткенiне мақтана алатын, елiмiздiң бүгiнi мен болашағына жауапты, толыққанды азамат екенiмiздi сезiне алу мүмкiндiгi.

 Демократия  – таза, еркiн және әдiл сайлау, бұл – қоғамдағы идеялар мен көзқарастардың бәсекесi; бұл – елдi басқару iсiне барлық азаматтарды қатыстыруды көздейтiн, шын мәнiндегi халықтық билiк; бұл – тәуелсiз және әдiл БАҚ-на негiзделген сөз бостандығы.

 Бостандық – тек адамның құқықтарын Конституция мен заңдарда ғана жария ету емес, сонымен бiрге, әрбiр азаматтың оларды мiндеттi түрде iс жүзiне асыра алатындай жағдайының болуы.

 Әдiлдiк – ұлттық табысты барлық азаматтардың мүдделерiне сай, бiрақ, ынталылықты шектемейтiндей, тоғышарлықты тудырмайтындай етiп бөлу, бұл – мемлекеттiң қоғам алдындағы жауапкершiлiгi, бұл – тең мүмкiндiктер қоғамы, бұл – соттың үкiм шығарудағы тәуелсiздiгi, барлық адамдардың заң алдындағы теңдiгi, бұл – сыбайлас жемқорлық пен қылмысқа қарсы тиiмдi және дәйектi түрдегi күрес, тұтастай алғанда, бұл – әрбiр азаматтың лайықты өмiр сүру құқығы.

Азаматтық жауапкершiлiгiмiз  бiзден белсендi iс-қимылды талап  етiп отыр. Бiз өзiмiздiң алдымызға  қойған мақсаттарымыз бен мiндеттерiмiздi жүзеге асыруды қамтамасыз ету үшiн  барлық күшiмiздi жұмсауға дайынбыз

Ол үшін біз не істеуіміз керек?

Жаңашылдық серпілісті жүзеге асыру керек. Әрқайсымыз лайықты болашақты құруға қатысу үшін ұмтылыс жасауға қол жеткізуіміз керек. Әлемнің  бәсекеге  ең  қабілетті  50  елінің  қатарына  Қазақстанның  кіру бағдарламасы  және  Елдің  индустриалдық-инновациялық  даму  стратегиясы  осы мақсаттарға арналған.

Экономика әлемнің өзге де мемлекеттерінің өсу қарқыны  мен инновациялық тенденцияларын стратегиялық басып озу мақсатында жұмыс істеуі керек. Ол тек озық ғылым мен болашақ технологиясына арқа сүйеуі қажет.

Біз осыған қалай  қол жеткіземіз?

Жалғыз  жол  бар.  Ол:    адами  мүмкіндіктерді  жүзеге  асыру  үшін  ерекше жағдайлар  жасау,  мемлекетті  тиімді  басқару,  алдыңғы  қатарлы  саяси  жүйемен сыртқы және ішкі жайлы шарттар.

Қазақстанның  бәсекеге  қабілетті экономикасы,  бәсекеге  қабілетті мемлекеті және бәсекеге қабілетті азаматтары болуы қажет.

Біз экономикамызды ішкі жалпы  өнімнің көлемі адам басына шаққанда 700 АҚШ доллары деңгейінде бастаған болатынбыз және реформа жылдарында 7000 доллар деңгейіне шығамыз. Ендігі кезекте партиямыз өз алдына мақсат қойып отыр - әр қазақстандықтың басына шаққанда 17 мың АҚШ долларынан астам ішкі жалпы өнім көлемімен әлемнің ең дамыған елдерінің қатарына кіру. Тек осындай жол арқылы ғана біз әлемнің озық  мемлекеттерінің стандарттарына  сәйкес  өмір  сапасының қазақстандық стандартына қол жеткіземіз.

Өмір сапасының  қазақстандық стандарты

Әр адамның өмірі бірегей, ол лайықты өмір сүруге құқылы. Ол үшін мемлекет әрбір  жеке  азамат  өз  шығармашылық  мүмкіндіктерін  іске  асыруы  үшін  түрлі жағдайлар  жасап,  еліміздің  өмірлік  іс-әрекеттерінің  барлық  саласын  жаңартуы керек.

Сондықтан партиямыз Қазақстанды  әр тұрғынының жағдайына қамқорлық жасайтын  гүлденген  мемлекетке  айналдыруға  ұмтылады.  Адамның  мүддесі, құқықтары мен бостандығы «Болашақ» партиясының негізгі басымдығы болып табылады.

Біздің түсінігіміз бойынша  өмір сапасының қазақстандық стандарты:

А.  Табыстың  жоғары  деңгейі,  ол  ортаеуропалықтардың  деңгейінен  төменболмауы қажет. Әлеуметтік сәйкессіздікті азайту: қазақстандықтар жыл сайын еңбекақысының артуынан  және  бизнестен  түскен  кірістерімен  дәулеттене  түсуі  қажет.  Біз халықтың  көпшілігі  орта  жікке  жататын  әлемнің  дамыған  мемлекеттері деңгейіне қол жеткізуіміз қажет.

Б. Жоғары сапалы және қолжетімді денсаулық сақтау. Біздің медицинада озық техника  мен  жоғары  білікті  мамандар  болуы  керек.  Ақысыз  көрсетілетін медициналық қызметтер сапасының ең төменгі шегі жоғарылатылуы тиіс.

В. Әлем мойындайтын  және сұраныста болатын озық және қолжетімді білім. Біздің  орта  және  жоғары  білім  беру  жүйеміз  жоғары  білікті  мамандарды дайындауы  қажет.  Олардың  аттестаттары  мен  дипломдары  барлық  дамыған елдерде мойындалуы тиіс.

Г. Адам құқықтары  мен бостандығының басымдығы: әрбір Қазақстан азаматы өзіне  Конституцияда  берілген  кепілдіктердің  мүлтіксіз  орындалып,  қорғауға алынатындығына сенімді болуы керек.

Д. Қоғамдық тұрақтылыққа, халықаралық бейбітшілік пен  дінаралық келісімге кез-келген қол сұғушылыққа қарсы қатаң іс-әрекеттер қолдану.

Е.  Азаматтарды  және  олардың  меншіктерін  қылмыстық  қол  сұғушылықтан берік қорғау.

Ж.  Қала  мен  ауылды  дамытуда  тепе-теңдікке  жету.  Ауылдықтардың  өмір деңгейі мен кірісі, сондай-ақ ауылдық жерлерге көрсетілетін қызметтер сапасы қала тұрғындарымен теңестірілуі тиіс.

З.  Халықтың  әлеуметтік  жағдайы  төмен  бөлігіне  кеңінен  қолдау  көрсету. Зейнеткерлер, ардагерлер, мүгедектер және аз қамтылған отбасылары әрқашан да қоғамның  қамқорын  сезінуі  керек.  Осы  санаттағы  адамдарға  көмек  көрсетудің тиімді  адрестік  жүйесі  оларға  Еуропалық  Одақ  елдерідегідей  өмір  деңгейін қамтамасыз ете алады.

И. Экологиялық  таза қоршаған орта. Біз ауыз судың  жетіспеушілігінен, ауаның газдалуынан және өнеркәсіптік қалдықтардан жапа шекпеуіміз керек. Қазақстан экологиялық жағдайы  ең жақсы елдердің қатарына кіруі қажет.

К. Жоғары деңгейлі мәдениет пен ғылым: мемлекет тек  жағдай жасап қоймай, ғылыми және шығармашылық зиялылардан әлемдік деңгейдегі жетістіктер мен туындыларды күтеді.

Л.  Дамыған  қызмет  көрсету  саласы.  Қазақстандықтар  көлік,  байланыс, телекоммуникация,  демалыс  және  туризм  салалары  бойынша  сапалы  қызмет көрсету  түрлерін  пайдалануы  тиіс  -  біз  еуропалық  елдер  халқынан  кем  емес жағдайда жұмыс істеп, демалуымыз керек.

Қазақстан үлкен  мүмкіндіктері бар гүлденген  елге айналуы қажет. Онда:

-  әр адам өзін қорғалған және қажеттімін деп сезінеді;

-  мемлекет  адамды  басымдылық  деп,  инвестиция  салатын ең  тиімді нысаны деп есептейді;

- барлығы болашаққа сеніммен қарайды және келешектегі жоспарларын жасайды;

-  барлығы бірге немесе жекелеп қоғамды дамытуға үлесін қосады.

Біз әлемдегі ең  бай елдердің бірінде тұрамыз. Біз  әр Қазақстандық азаматты дәулетті етуіміз керек және осыған қол жеткізе аламыз!

ИННОВАЦИЯЛАР, БІЛІМ  МЕН ТЕХНОЛОГИЯЛАР ЭКОНОМИКАСЫ

Серпінді даму үстіндегі еркін экономика - әлеуметтік мемлекеттің және өмір сапасының қазақстандық стандартының негізі болып табылады. Еліміздің  әрбір  азаматына  тек  нарықтық  экономикада  өз  орнын  табудың ауқымды мүмкіндіктері ғана ұсынылып қоймай, сонымен бірге мемлекет оның бастамаларын  іске  асыруға  ат  салысады.  Біз  Қазақстанның  дамуының  жаңа, сапалы, барынша күрделі кезеңіне аяқ бастық. Ол ең алдымен еліміздің жаһандық бәсекелестікке дайындығына және БСҰ-ға кіруімен байланысты болмақ. «Қазақстанда жасалған» маркасын әлем танып, мойындайтын болады. Еліміз тауарлар,  қызметтер,  еңбек  ресурстары,  капитал  және  қазіргі  заман технологияларының әлемдік нарығының ажырамас серпінді бөлігіне айналады.

 Біз  Ішкі  жалпы  өнім  қуатының  көлемін  азайтуға,  жалпы  өнім  берудің жоғарылауына,  Қазақстан  бизнесінің  инновациялық  белсенділігін  сапалы арттыруға қол жеткіземіз. Біз  шикізаттық  бағыт-бағдардан  индустриалды  экономикадан  кейінгі сипаттағы  экономиканы  қалыптастыруға  аяқ  басып  отырмыз.  Мұнай  химиясы, машина  жасау,  металлургия,  құрылыс  материалдарын  өндірудің  жоғарғы технологиялық саласында және тамақ өнеркәсібі өндірісі инновацияның негізгі басымдығына айналады. Партия аймақтарды дамытудағы тепе-теңсіздіктер мен сәйкессіздіктерді жоюға қол  жеткізетін  болады.  Жаңа  озық  қалалары  аймақтық  дамуда  үлкен  серпіліс жасайды және өнеркәсіптік аймақтарының негізіне айналады. Біз ұмтылыс жасап отырған экономиканың инновациялық сипаты ішкі жалпы өнімнің ғылыми көлемін жоғарылату жөніндегі шаралармен тығыз байланысты болады,  сондықтан  біз  инновациялық  инфрақұрылым:  технопарктер, технополистер,  еркін  экономикалық  аймақтар  мен  бизнес  инкубаторларын дамытуға ат салысатын боламыз.

 Біз  әлемдік  инновациялық  макротехнологияларды  жасауға  аяқ  басу  үшін нанотехнологиялар мен жаңа материалдар, биотехнологиялар, көмірсутегі және тау-кен  металлургия  секторларына  арналған  технологиялар,  ядролық технологиялар мен жаңартылатын энергетика технологиялары, информатикалық және  ғарыштық  технологияларды  жасау  саласындағы  ғылыми    зерттеулерді қарқындатуымыз қажет.

Біз  ғылыми  зерттеу  шығындарын  ІЖӨ-дан  2  пайызға  дейін  көбейтуге  қол жеткіземіз және қазақстандық инновациялық ірі компаниялардың дамуына қолдау көрсетеміз,  оларға  осы  технологияларымен  шетелдік  нарыққа  шығуға көмектесеміз.

Біз бизнес, ғылым  мен білім арасындағы серіктестіктің қазақстандық моделін жасауға қол жеткіземіз. Даму  институттарының  жоғарғы  тиімділігіне,  олардың  мөлдірлігіне,  өзара қарым-қатынасы мен бірін-бірі толықтырып отыруына қол жеткіземіз.

Қызмет  көрсету экономикасын дамыту

Қазақстан  шикізаттық  типтегі  экономикадан  қызмет  көрсету  экономикасы моделіне сапалы қарқынды серпіліс жасауы қажет.

Қазақстан әлемге төмендегідей болып танылуы тиіс:

-  халықаралық валюталық,  несиелік  және  қаржылы операцияларды,  құнды қағаздармен, алтынмен мәмілелерді жүзеге асыратын халықаралық банктер мен мамандандырылған  қаржы-несие  институттардың  шоғырландырылған  орын  Еуразия жүрегінде орналасқан әлемдік қаржы орталығы;

-  Еуропа мен Азия тоғысындағы бірегей туристік қызмет көрсету орталығы;

-  дамыған инфрақұрылымы бар көліктік-логистикалық орталық;

-  АҚШ,  Еуропа  және  Азияның халықаралық ірі университеттерінің филиалдары шоғырланған білім беру және ғылыми орталығы.

Инфрақұрылымды  дамыту

Қазақстан дамыған  көліктік және телекоммуникациялық  өнеркәсібі бар елге айналуы тиіс. Біздің байтақ жеріміздегі аймақтарымыз көптеген автомобиль және темір жол магистральдарымен  жалғастырылған  жағдайда  ғана  бәсекеде  басымдық  таныта алады.  Сонда  ғана  біз  Қытай,  Ресей  және  Еуропа  арасындағы стратегиялық көпірге айналып, тасымалдың барлық пайдаларын көретін боламыз. Біз барлық экономика саласында озат телекоммункациялық технологияларды енгізуге ұмтылуымыз қажет. Еліміздің барлық аймақтарын бірыңғай ақпараттық кеңістікке біріктіре отырып, сондай-ақ, байланыс пен интернетті қол жетімді ете отырып, оның дамуына қуатты серпіліс береміз.

Агроөнеркәсіптік саясат

Партия  еліміздегі агроөнеркәсіптік кешенді тұрақты  дамытуды, оның  қайта өңдеу базасын, сату қауіпсіздігін күшейтуді және еліміздің өзіндік жеткіліктігін, ветеринарлық және фитосанитарлық жағдайына көңіл бөледі.

Біз  алдымызға  ауылшаруашылығының  өндіріс  деңгейін  арттыру,  жердің құнарлығының нашарлауына жол бермеу, су және  өзге де табиғи ресурстарды тиімді пайдалану міндетін қоямыз.

Біз ауылшаруашылық өндірісті жаңартуымыз қажет, ғылым  және техниканың осы заманғы түрін енгізу негізінде оның техникалық және технологиялық артта қалулығын жоюымыз керек.

Біз фермерлік, қожалық шаруашылықты дамытуға және көтермелеуге, олардың құқықтарын  қорғауға  қол  жеткізуіміз  қажет.  Біз  ауыл  өндірісін  сақтандыру жүйесін жетілдіруге қол жеткіземіз және фермерлер үшін оны барынша тиімді жасаймыз.

Біз  мемлекеттік  сатып  алу,  аграрлық  биржалар  және  өндіруші  үшін  тиімді жағдайда ауылшаруашылық тауарларын өткізуді ұйымдастыруға үкіметтің көмек көрсету шаралары бағдарламаларының кеңейтілуіне көңіл бөлеміз. Біз  ауылшаруашылық  өнімінің  әлемдік  нарықтағы  қазақстанның  орнын айқындап,  экспорттық  мүмкіндігі  бар  қажетті  бағытты  дамытуымыз  қажет. Жақын  арада  астықты  әлемдік  экспортқа  шығаратын  бірінші  бестікке кіруіміз керек.

Сыртқы  экономикалық қызмет

Біздің  партиямыз  қазақстандық  тауар  белгілерінің  аумақтық  және  әлемдік нарыққа шығуын, олардың өндірісін дамыту үшін қолайлы жағдайлар жасалуын және ілгерілеу стратегиясын жасауда.

«Болашақ» партиясы – Орталық Азия нарығын кең көлемде игеру қажеттілігін жақтайды.  Біз  Ресей,  Қытай,  Каспий  және  Қара  теңіз  аймақтарының  тауарлар және қызмет көрсету нарығына Қазақстанның тұрақты қатысуына ұмтыламыз.

Біз  Бүкіләлемдік  сауда  ұйымына  Қазақстанның  кіруі  арқылы  әлемдік экономикаға  кіруі  үшін  елдің  бірігуін  және  отандық  кәсіптердің  сапаны басқарудың халықаралық жүйесіне (TGM) ISO стандартына көшуін  қолдаймыз.

Қойылған  мақсаттарға қол жеткізу жолдары

Біз  жаһандық  және  аймақтық  экономикада  бәсекелестікпен  (ойыншылар) отандық  экономиканың  алдында  болатын  ұлттық  көшбасшы  кампаниялар

құруды, нығайтуды  және дамытуды жақтаймыз. Осы  стратегия  мемлекеттік  -  жеке  меншік  серіктестігінің  серпінді жобаларын жүзеге асыруды жөнге келтіреді. Корпоративті көшбасыларды құру негізінде экономиканың тиімді секторларында жаңа компаниялар қалыптастыру, Қазақстанда жұмыс істеуге шетелдік бизнесті тарту, оларға қолдау көрсету және қажет болса, жұмыс істеп жатқан өнеркәсіптерді қайта реттеу жолдары арқылы жүргізілуі қажет. Корпоративтік  көшбасшыларды  құру  процесін  қажетінше  ынталандырудан соң,  мемлекет  осы  көшбасшылардың  барлық  қызметін  нарық  тәртібіне бағындыруы  қажет,  қолдау  көрсету  және  мемлекет  тарапынан  көмек  көрсету тиісті нарық құралдары формасында жасалуы тиіс. Корпоративтік  көшбасылар  даму  «катализаторы»  ретінде  жұмыс  жасауы қажет.  Олар  өз  бизнестерінің  бәсекеге  қабілеттілігін  сапалы  жоғарлатып,  олар үшін  экспорттық  «тетіктерді»  табуы  керек.  Сөйтіп  олар  Қазақстанды экономикалық  дамудың  «аймақтық  локомотивіне»  айналдырады,  «қуып жетушілік даму» деп аталатын стратегия шектерін іске асыра отырып, дамыған елдердің арасында оны жаңа тұрақты позицияға шығарады. Тиімді  қор  нарығын  дамыту  -  еліміздің  маңызды    міндеттерінің  бірі. Еліміздің  табиғи  ресурстарын  пайдаланушы  және  экономиканық  стратегиялық салаларда  жұмыс  істеуші  ірі  қазақстандық  компаниялардың  акционерлік капиталына әр азаматына еншілес мүмкіндігін туғызуға қол жеткіземіз. Партиямыз  мемлекеттің  экономикалық  саясатындағы  басым бағыттардың біріне айналатын шағын және орта бизнестің серпінді дамуын, еліміздің ЖІӨ-дегі шағын және орта бизнес субьектілерінің үлесін жоғарғы деңгейде қамтамасыз етуін қолдайды.

Ол  үшін біз  мыналарға қол жеткізетін боламыз:

-  кәсіпкерліктің  нормативтік-құқықтық  базазын  жетілдіру,  әкімшілік кедергілерді  жою,  мемлекет  пен  бизнес  арасындағы  өзара  қатынаста  бірыңғай стандарттар мен тетіктерді енгізу;

-  әкімшілік   шығындарды  азайту  мақсатында  шағын  және  орта  бизнес субьектілері үшін салық салу жүйесін жетілдіру, оларды бақылау және тексеру жүйелерін жеңілдетуді құру;

- ұлттық қаржы-несие  жүйесін оңтайландыру және шағын  және орта бизнесті инвестициямен қолдау;

-  меншіктік   бизнеске  қолдау  көрсету   инфрақұрылымын  дамыту,  шағын кәсіпкерлікті  оқыту  және  ақпараттық  қамтамасыз  ету,  шағын  бизнеске технологиялар трансферті жүйесінің заңнамалық базасын құру;

-  шағын   және  орта  бизнес  субьектілерін   бақылаудың  және  тексерудің жеңілдетілген жүйесін құру.

Партия  ұлттық  шикізат  ресурстарын  басқарудағы  мемлекеттің  белсенді рөлін, мемлекеттік және мемлекеттік емес секторлар арасындағы  экономикалық өзара қатынастарды реттеудің нарықтық тетіктерін одан әрі нығайтуды жақтайды. Индустралды-инновациялық дамудың мемлекеттік басқару жүйесін жетілдіру талап  етіледі,  дамудың  мемлекеттік  институттар  жұмыстарының  тиімдігін қамтамасыз ету.

Елді  одан әрі демократияландыру - саяси, әлеуметтік жәнеэкономикалық дамудың маңызды ресурсы ретінде «Болашақ»  партиясы  Көшбасшысы  бастама  көтерген  2007  жылғы Конституциялық реформаға еліміз егемендігін алған уақыттан бастап, біртіндеп келді.

Қазақстан қарқынды демократияландырудың шетелдік нұсқаларына  салынған жоқ.  Біз  «алдымен  экономика,  содан  соң  саясат»  қағидасын  басшылыққа  алаотырып, өзіндік дара жолмен жүрдік. Эволюциялық реформалардың бірізділігімен одан  әрі  саяси  жаңару  үшін  экономикалық  және  әлеуметтік  алғышарттар дайындалды,  қазіргі  заманға  сай  демократиялық  институттар  құрылып, нығайтылды, халықтың жаңа саяси мәдениеті қалыптастырылды, Қазақстанның тұрақты халықаралық ұстанымдары қамтамасыз етілді. Конституцияға енгізілген өзгерістер қоғамда жинақталған оң өзгерістерді ғана емес,  сонымен  бірге  оларға  ары  қарай  даму  шараларын  жасауды  орнықтыра түсуге  арналған.  Жүргізіліп  жатқан  демократиялық  өзгерістер  мемлекеттік басқарудың тиімділігін арттыра түсуі қажет: еліміз экономикасының одан әрі серпінді  дамуы  және  халықтың  әл-ауқатының  жақсаруы  осыған  байланысты болмақ.

«Болашақ» елімізде демократиялық қағидаларға негізделген қазіргі заманғы,тиімді және бәсекеге қабілетті саяси жүйені қалыптастыруды қолдайды.

Демократия  – бұл өзіндік мақсат  емес,  стратегиялық  міндеттерге қол жеткізудің тәсілі екендігін біз жақсы түсінеміз. Бұл мемлекетті жетілдірудің және қоғамды дамытудың  ұдайы жүретін процесі. Қазақстанда  демократия  саяси  үдерістерге  азаматтардың  ауқымды  қатысуы, биліктің қоғам алдындағы жауапкершілігі және заң ұлықтылығы принціптерінде құрылуы қажет екендігіне біздің көзіміз жетіп отыр. Биліктің  халық  алдындағы  жауапкершілігі  мен  оған  есеп  беруі  тетіктерін күшейту еліміздегі саяси процеске мөлдірлік және бұқаралық сипат береді деп есептейміз. Туындаған  даулар  мен  қайшылықтарды  жүйелі,  өзара  құрметпен, ымырашылдықпен    шеше  білу,  біз үшін  азаматтық мақсатқа  айналуы тиіс екендігіне сенімдіміз.

Азаматтық қоғамды  дамыту

Партия  жаңа  демократиялық  даму  кезеңінде  барлық  азаматтық  қоғам институттарының белсенді дамуын жақтайды. Қазақстанда азаматтық қоғамның дамуының  Тұжырымдамасын  іске  асыруға  біз белсенді араласамыз. Үкіметтік  емес  ұйымдарды  әлеуметтік  қызметтерді  іске  асыруға  кеңнен тартып, мемлекеттік әлеуметтік тапсырыстармен қайырымдылық жүйесі аясында оларға қолдау көрсетілуіне ықпал жасайтын боламыз. Азаматтық қоғамның маңызды институты БАҚ-ты дамытудағы негізгі міндет, медиялық орталық ашықтығы мен бәсекелестігі тетіктерін күшейту, журналистер құқықтарының  сақталуына  кепілдік  беру  деңгейін  жоғарылату,  БАҚ жауапкершілігін күшейту болып қала бермек. Партия азаматтардың ақпарат және сөз бостандығы құқықтарын қорғауға, мемлекеттің ақпараттық саясатын, сонымен қатар  БАҚ  қызметі  саласын  ретке  келтіруші  заңнаманың  жетілдірілуіне  қол жеткізетін болады.

Партиямыздың қызметі мемлекет, бизнес және азаматтық қоғам институттар арасындағы әлеуметтік серіктестікті ынталандыруға бағытталады. Азаматтық  қоғам  институттарын  дамыту  мәселелерін  ретке  келтіруші халықаралық  келісімдерге  Қазақстанның  қосылуына  жағдай  жасайтын жұмыстарды жалғастырамыз. Азаматтық  қоғам  институттарының  ролін  қоғамдық  маңызды  міндеттерді шешуде ғана емес,  сонымен бірге еліміздің жалпы саяси өмірінде жоғарылатуды жақтаймыз.

Сайлау  тетіктерін жетілдіру

Партия  сайлау  тетіктерін  одан  әрі жетілдіруді жақтайды.  Барлық  әрекеттер елімізде сайлаулардың әділ, ашық және бәсекелесті өтуіне бағытталуы керек. Бұл сайлауларда барлығы сайлаушылардың еркі ризашылығына байланысты болмақ. Біз сайлау процестерінің ашықтығы мен әділдігін, дауыс беру барысына және қорытындыларына кеңінен қоғамдық бақылау жасауды қолдаймыз. Біздің  партия  елімізде  тепе-теңдік  сайлау  жүйесін  дамытуды  және  оны еліміздің кейінгі мәслихаттар сайлаулары барысында пайдалануды қолдайды.

Жемқорлықпен  күрес Біз сыбайлас  жемқорлықтың  алдын алу басымдығын,  осы дерттің дамуына ықпал жасаушы себептері мен  алғышарттарын жоюды ұстанамыз.

Партия мемлекеттік  ресурстарды үлестіруде бақылаудың аздығы, мемлекеттік органдардың  рұқсат  беру  міндеттерін  жүзеге  асырудағы  бірқатар  кемшіліктері негізгі себептер деп қарайды. Мемлекеттік және қоғамдық органдар салаларында кең көлемді жемқорлықтың көрініс беруіне нақты әдістеріне ерекше назар аудару қажет. Бұл кеден, салық саласы, әлеуметтік және муниципалді тұрғын үй бөлу, лицензиялар  беру,  мемлекеттік  сатып  алу  және  мемлекеттік  әлеуметтік тапсырыстар құралдарын үлестіру. Біз жемқорлыққа қарсы  бағыттар бойынша күресетін боламыз. Бұл ретте біз өкілетті  билік  органдарын  осы  күреске  кеңінен  жұмылдыруға  қол жеткізетін боламыз.

Партия  халықаралық  рейтинг  жүйесімен  қарулану,  халықаралық институттар, отандық үкіметтік емес ұйымдар, саяси партиялар және мемлекеттік органдармен ынтымақтастықпен жұмыс жасауды көздеуде.

Бәсекеге қабілетті  азаматтар –  Қазақстанның болашағы Әлемдік  нарықта  Қазақстанның  қазіргі  уақыт  жағдайында  басымдық  негізгі бәсекесі жоғарғы білікті, шапшаң әрекет ететін адамдық капитал болуы қажет.

Атап  айтқанда,  елдің  бәсекеге  қабілеттілігінің  негізгі  көрсеткіші    -  халық өмірінің жоғары деңгейі мен сапасы болып табылады. Сондықтан  елді  дамытудың  жаңа  кезеңінде  халықтың  әлеуметтік  жағдайын ауқымды  жақсартудан  басталып  отыр.  Қоғамдағы  барлық  бөліктердің  өмір деңгейін жақсарту арқылы одан әрі ілгерілеу жолына түсеміз. Партия  бәсекеге қабілетті адам капиталын дамытуға бюджеттік ресурстарды топтауды қамтамасыз етеді. Біздің мақсатымыз әлемдік еңбек нарығында бәсекеге қабілетті ғылым, басқару, инженерлік-техникалық элиталық жаңа формацияларды құру болып табылады. Біз Қазақстан халқының  тұрақты қосымша ақша  қаражаттарының  көздерін иемдену  мүмкіндіктері  –  құнды  қағаздарды  басқарудан  инвестициялық  кіріс түсіру: акциялар, облигациялар ренттік кіріске ие болуына  күшімізді саламыз. Қазақстандықтардың  лайықты тұрғын  үймен қамтамасыз  етілуі,  тұрақты кірісінің болуы, сапалы білім алуы, медициналық көмек алуы, демалысқа және туристік  қызметтерге  қаражат  жұмсауы  және  лайықты  қарттықпен  қамтамасыз етілуі қажет. Партия еліміздің әлеуметтік салада өзінің азаматтары үшін  өмір сапасының Қазақстандық стандартын қамтамасыз ететініне сенімді.

Білім беру стандарты

Біз білім беру және мамандарды қайта даярлау жүйесін  дамытуға, оны әлемдік стандарттарға жақындатуға ұмтылуымыз қажет. Болашағымыздың негізгі кепілі - мемлекеттік  білім  беру  инвестициялары.  «болашақ»  партиясы  мемлекеттік білім  беру  шығындарын  5-7  пайызға  жалпы  ішкі  өнімнің  деңгейіне  дейін жеткізуін жақтайды.

Партия мектепке дейінгі ұйымдар желісін лайықты  дамыту және оның ақысыз негізге  алмасуын,  кәсіби-техникалық  білім беру  жүйелерінің қайта дамуын қолдайды.  Заңдылық  деңгейде  ауыл  мұғалімдерін  әлеуметтік  қорғау  бойынша төлемнің көлемін көбейту қажет, ауыл мектебін бітірушілерге мемлекеттік грант және несиемен жоғарғы оқу орындарына түсу үшін квоталар  көбейтілуі керек.

Жалпы  елімізде  мұғалімдер  және  профессорлық-оқытушылық  құрамының еңбек  және  материалдық  жағдайы  жақсы  болуы  тиіс.  Мұғалім  мамандығы қайтадан құрметті болуы қажет. Қазақстандық  білім  беру  жүйесінде  оқытушылық  сапасын  жоғарылату мақсатында  біз  оқу  мекемелерін  халықаралық  стандарттар  деңгейінде аккредитациялау жүйесін енгізуді жақтаймыз.

Денсаулық стандарты

Біз әлемдік  стандартқа сай қазіргі заманғы  денсаулық сақтау жүйелерін құруға, сонымен  қатар  денсаулық  сақтауға  мемлекеттік  шығындарды  үнемі  ЖІӨ  пайызға көтеруге қол жеткізетін боламыз. Партия – денсаулық сақтауды мөлшерден тыс коммерцияға, бюджеттің бөлінуі және ақылы медицинаға  қарсы және ақысыз медициналық қызметтің кепілдік көлемі  шегінде  көрсетілетін  қызметтер  түрін  кеңейтуді,  халықтың  әлеуметтік жағдайы төмен тобын дәрі-дәрімекпен ақысыз қамтамасыз етуді қолдайды.

Балалар мен  аналардың өлімі, туберкулез ауыруының  деңгейін және СПИД ауруының өсу қарқынын қысқарту  бойынша түбегейлі шаралар қолдану қажет.

Біз  санитарлық  инфрақұрылымды  жақсарту  мәселелеріне  және  халықты сапалы ауыз сумен қамтамасыз етуге ерекше назар аударатын боламыз. Партия өмір сүру ортасын сауықтырудың Ұлттық бағдарламасын жасауды және енгізуді жақтайды.

Біз  халыққа  қол  жетімді  медициналық  қызмет  көрсету,  медициналық сақтандырудың  бәсекелес  нарығын  дамытуға  мүмкіндік  туғызатын  боламыз. Сырқаттарды ерте айқындау және ескеруді жоғарғы технологиялық  медициналық орталықтарын  жүйелік негізде құру маңызды. Ұлт денсаулығы қоршаған орта мен және салауатты өмір салтын қалыптастыру жағдайына  тікелей  байланысты.  Сондықтан  біз  экологиялық  өндірісті  жаппай дене  шынықтыру  мен  спортты  дамытуды,  темекі  шегу,  алкоголь  және нашақорлықпен қатаң күрес жүргізуді қолдаймыз.

Біз мына принціптер қазіргі денсаулық сақтау жүйесінің  негізінде болуы керек деп  есептейміз:  адамдар  мен  жұмыс  берушінің  және  өзінің  денсаулығын қамтамасыз етудің ынтымақтас жауапкершілігі; мемлекеттік және жеке меншік медициналық қызмет көрсетуді үйлестіру; халықтың барлық бөлігі үшін білікті медициналық  көмектің  қолжетімдігі;  аурудың  алдын  алу  басымдығы;  емдеу нәтижелерінің тиімділігі.